...Kilti Gwada ?!...

2zòd · Message par **2zòd** » mer. 18 juin, 2003 00:06

culture n. f. I. 1. Action de cultiver (la terre), travail, visant à la rendre productive. (...)
II. Fig. 1. Développement des facultés intellectuelles.(...) Culture de masse, répandue par les techniques de diffusion massive ( mass media : télévision, radio, presse, cinéma) au sein de la masse sociale sans qu'interviennent les stuctures internes (classe, âge, sexe).
(...)
3. Ensemble des activités soumises à des normes socialement et historiquement différenciées et des modèles de comportement transmissibles par l'éducation, propre à un groupe social donné. Chaque société à sa culture ; Culture occidentale.

Mi...tou sa ki vlé tchèk sa é tripé si sa... an ka vin pita

[ 18-06-2003, 00:08: Message édité par : 2zà”D ]

joy · Message par **joy** » mer. 18 juin, 2003 06:59

" La culture est rencontre de soi au vrai jour, sans voile sans masque" (Dany Bébel-Gisler). Je pense que ça se passe de commentaires!!!!!!

2zòd · Message par **2zòd** » mer. 18 juin, 2003 20:48

...Yonn Dé pawôl an kréyôl
a on boug ka fè wôl pa môl,
égri, ka griji kon vyé fèy tôl,
...

Awa, kaw ka di,
ni pis ki sa a di
fô paw bigidi,
a pa "no digidi" !

Kilti Politik
'Pakèt moun, pakèt moun, pakèt moun anlè
kondi shanson la, alè.
Ni on pakèt moun ka pwan valè
paskè nou fè lè malè
mèt yo la, é alè
nou vé di yo "du balai".

Alè sé lè 73 é lè 74 ka wipwizennt
Pis ki mas an lari La Pwent
Yo pa'a las ban nou masko
on bann *curieux*
lespwi a yo tou piti
pas' yo pa ni kilti...

An téké ba yo on misyon,
ban nou on vizyon,
dôt ki soukwé kwoupyon
é 'ni pis ponyon.
Konstwi, konstwi, konstwi
wi, wi, wi !
Men ka yo ka konstwi ?
Pi' kaz ka lévé, pi' lèspwi ka koushé
Pi' zyé a moun ka boushé !
Men konmen lajan ka pasé adan édikasyon ?
Konmen moun sav ka ki on asosyasyon ?
Konmen sav' ka ki "mèt moun ansanm"
dôt ki pou bwè é manjé, é fanm ?!
On bann "batimann"
'ka mèt moun an batiman
épi apwé sé san manman
sé pété bra adan lé touwnan
.......
Bloké adan on kilti a lajan,
nou pa ni pon dôt shimen ki vin' pi savan...

[ 18-06-2003, 20:49: Message édité par : 2zà”D ]

brown sugʹ · Message par **brown sugʹ** » ven. 20 juin, 2003 00:56

po!po!po!

malade 2zod!!!!!
KILTi.......

...Nou kon la me Ikifiya depouye de identite ay
A koz de kolonizate pis ki debrouya
kouyone le istwa a de pep fre e se
defeye le liv distwa pou kamoufle le malfe
me fo le ke bat pi fo
kon tambouye ka met bon BF si on Ka
Si kreol pa on lang i pis ki sa
se on son ka
diw ou eve sa ki ni meme roots la....

<img border="0" title="" alt="[Clin doeil]" src="wink.gif" />

2zòd · Message par **2zòd** » dim. 22 juin, 2003 23:24

Kilti Ekonomik

Politik Ekonomik ?!
Lé politik on bann komik !
Yo vé fè moun kwè kè pa 'ni pon dôt solisyon
ki divini on popilasyon san dôt anbisyon
ki sèvi lé touris,
montré yo kè nou pa rasis,
souri tout dan déwô
kon si pa ni pwoblèm ankô !
.......
ki tan yo ké tann ?
Ki tan yo ké konpwann ?
Kè nanm é kè a pèp la bizen dé koté pou èkspriméy !
kè son é imaj a pèp la bizen dé koté pou dévlopéy !
Yo ka fè on pakèt makak ri,
Yo ka fè on pakèt ispèktak an lari,
Yo ka mété HO lèspwi a kokanyè la,
Yo ka mété BA lèspwi a Kilti la !
Paskè, pou yo, sa yo konpwan ki kilti pa'a sèvi ayen dôt ki jwé lé boufon san pôté pon moun ayen, dôt ki on ti monné an pôsh a séla ki ka fèy la.
.......
Yo ka palé dè dévlôpman, men ki dévlôpman i pé 'ni adan on sosyété san nanm, san Kilti ?!
.......
Men yo bizen fè nou vin kon on gwan Gwada Pawk, é sétéké nou lé otomat, sétéké nou lé pirat dé karayib !
AY SHYééé !!!!!!
.......
An ka di "STà”P" !
Sa ka fè twôp !
An n' mèt sa pwôp !
Arété lé wôl "**** up" !

Si nou pa angajé nou alè pou nou rézisté,
a pa dèmen nou ké pé èkzisté !

dada-7 · Message par **dada-7** » lun. 23 juin, 2003 03:16

yonn dé yonn dé, Dada ka monté o kréno
Long time an pa wouklé, an pa kay pran'y molo
Yo di la jénès pa ni kilti, mè sé nou kini pou mèt' sa wo
Fè lé zansyen pèd fwa, fè ki nonm ki fanm kriyé woulo bwavo

Nou pa ni a fosé, kilti la ka koulé an san an nou tout'
sèl biten nou ni a fè sé wouvè zorey', kouté pou tann li koulé gout' apwé gout'
Wouvè zyé, paskè si a pa nou ka fèy, lé zot pani ayen a fout'
Wouvé kè, paskè sé fos' a lanmou ki ké fè nou kinbé la wout'
wouvè la wout' a aksyon, paskè a pa toudi lésé mesaj' asi Gwadayouth

Yo di fôw sav la ou soti pou sav ki moun ou yé
Mè fôw sav kè ki moun ou yé paka dépann dè la ou soti
Yo di fôw manké néyé pou apwann najé
Mè fôw sav si ou apwann najé, a pa paskè ou manké néyé piti

Nou tout' sav gran listwa a limanité téré lonbrik ay Afrika
Nou tout' sav nèg ki soti an *** a bato la pou vinn pran plas a karayib sété afriken
yo fè yo fè, nou mélanjé épi fransé, panyol, zendyen, karayib...mé lonbrik la rété Afrika
Yo fè yo fè, nou pran nou pou pitit' a esklav...mè avan 400 lanné la sa, sonjé téni sièk e sièk libèté a Afriken

Kilti an nou ka fèt' jou apwé jou
paskè sé jou apwé jou, nou ké woté shènn la an lespri la
Shènn la: sé sistèm ayo la kika kontrol nou
Fô nou soti an sitèm la, pou nou kontrol li...èvè finn' libéré lespri la.
.
.
.
.

-------------------------------------------------

-Blan control negro-negro realise blan control lui-negro prend recul et analyse faille dans systèm blan-negro utilise faille pour prendre control destinée-negro crée system negro-system négro carré-blan pri dan system blan-blan respect negro-negro respect blan-

.....one day maybe! <img border="0" alt="[Ange]" title="" src="graemlins/angel.gif" />

[ 23-06-2003, 03:35: Message édité par : DADA-7 ]

2zòd · Message par **2zòd** » lun. 23 juin, 2003 07:58